Pages

Wednesday, January 16, 2013

ပါလီမန်မြင်ကွင်း သတင်းမှတ်စု

  • စာအုပ်အမည် - ပါလီမန်မြင်ကွင်း သတင်းမှတ်စု
  • စာရေးသူ - တက္ကသိုလ်မြတ်သူ
  • ထုတ်ဝေကာလ - ၁၉၉၀၊ ၂၀၁၂
  • ပုံနိုပ် - ပုံနိုပ်ရေးနှင့်စာအုပ်ထုတ်ဝေရေးလုပ်ငန်း
  • ထုတ်ဝေသူ - စာပေဗိမာန်
  •  တန်ဖိုး - ၁၇၀၀ ကျပ်
“ဂီဟိကမ္မ အလုပ်တွေကို လုပ်လာတဲ့ ဆရာတော်တွေဟာ တပည့်တော်ကို တပည့်လို့လည်း
မမှတ်ကြနဲ့တော့။ တပည့်တော်ကလည်း အဲဒီဆရာတော်တွေကို ဆရာတွေလို့ မမှတ်နိုင်
တော့ဘူး။ ဥပဒေကို ထိန်းသိမ်းထားရတဲ့ လူတစ်ယောက်အနေနဲ့ ဥပဒေချိုးဖောက်သူ
မှန်သမျှကို တရားဥပဒေနဲ့အညီ တိတိကျကျ ပြတ်ပြတ်သားသား အရေးယူရလိမ့်မယ်ဆိုတာ
တပည့်တော် အတိအလင်း ကြေညာပါတယ်။”

“ကျောင်းသူ၊ ကျောင်းသားတွေဟာ လူမသမာတစ်စုရဲ့ ဖြားယောင်းသွေးဆောင်မှုကို လက်ခံ
မိလို့ဖြစ်ဖြစ်၊ ကိုယ့်ဟာကိုယ်လုပ်ချင်လို့ပဲဖြစ်ဖြစ် ဘောင်အပြင်ဘက်ကိုထွက်ပြီး ဥပဒေ
လက်လွတ်၊ တရားလက်လွတ် ရမ်းရမ်းကားကား လုပ်ကြမယ်ဆိုရင်တော့ ကျွန်တော်တို့
အနေနဲ့ ရှေ့အဖို့ လက်ပိုက်ကြည့်မနေတော့ဘူး။ တရားဥပဒေအရ တိတိကျကျ ပြတ်ပြတ်
သားသား ဆောင်ရွက်ရလိမ့်မယ်ဆိုတာ ကျွန်တော် အတိအလင်း ကြေညာလိုက်ပါတယ်။”

(၂၁၊ ၂၊ ၁၉၆၁ နိုင်ငံတော်ဝန်ကြီးချုပ်ဦး
နု၏ အသံလွှင့်မိန့်ခွန်း)
----------

ပါလီမန်အတွင်းဝန် သခင်ချစ်မောင်။ ။ သေနင်္ဂဗျူဟာအရသော်လည်းကောင်း၊
နည်းပရိယာယ်အရသော် လည်းကောင်း ကျွန်တော်တို့မှားသည်ဖြစ်စေ၊ မှန်သည်ဖြစ်စေ နိုင်ငံရေးတိုက်ပွဲလို့ပဲ ယူဆပါတယ်။ အဲသည် ဘန်ကောက်ဆွေးနွေးပွဲကို သွားတက်တော့
ကျွန်တော်မှတ်မိပါသေးတယ်။ အရင်ပြီးခဲ့တဲ့လွှတ်တော်မှာ အတိုက်ခံအမတ်မင်းတွေက
ဘာပြောသလဲဆိုတော့ သခင်စိုးကြီးသင်ထားတဲ့ အင်မတန်ညစ်ညမ်းတဲ့ စကားလုံးနှင့်
အမေရိကန်ကို ဥက္ကဋ္ဌတင်ပြီး ဘန်ကောက်ဆွေးနွေးပွဲသွားတာကို ပြည့်တန်ဆာ နိုမ်နင်းရေး
အတွက်ကို ဖာခေါင်းကို ဥက္ကဋ္ဌတင်ရသလားလို့ ပြောတယ်။ ကျွန်တော်တို့ ရှုံးသလား၊
မရှုံးပါဘူး၊ မြတ်တယ်။

ပါလီမန်အတွင်းဝန် သခင်သန်း။ ။ ဥက္ကဋ္ဌကြီးခင်ဗျား၊ ယခုအမတ်မင်းဟာ အဆိုကို
ပြောနေတာလား၊ နိုင်ငံရေးရာဇဝင်ကို ပြောနေတာပါလား။
----------

ဦးသိန်းဖေမြင့် (ဘုတလင်)။ ။ဥက္ကဋ္ဌကြီးခင်ဗျား၊ ယနေ့နံနက်က ဗိုလ်ချုပ်ကြီးနေဝင်း
ဝန်ကြီးချုပ်အဖြစ်နှင့် မိန့်ကြားသွားတဲ့ မိန့်ခွန်းကို မဝေဖန်ခင် ကျွန်တော်အမတ်များကို
တောင်းပန်လိုပါတယ်။ ကြောက်လို့တော့ မဟုတ်ဘူး။

သခင်ဘသက် (ဘိုကလေးတောင်ပိုင်း)။ ။ ဥက္ကဋ္ဌကြီးခင်ဗျား ... မကြောက်လျှင်
မတောင်းပန်ပါနှင့်။

ဦးသိန်းဖေမြင့် (ဘုတလင်)။ ။ ဥက္ကဋ္ဌကြီးခင်ဗျား ... အချိန်ကလည်း နည်းတဲ့အတွက်
သိပ်ပြီးတော့ ကြားဖြတ်မပြောဘို့ တောင်းပန်ချင်ပါတယ်။ .....။

သခင်သာခင် (မိုးကုတ်)။ ။ ဥက္ကဋ္ဌကြီးခင်ဗျား၊ ရန်မစလျှင်တော့ ကြားမထိုးပါဘူး။

ဦးသိန်းဖေမြင့် (ဘုတလင်)။ ။ ၁၉၄၈-၄၉ ခုနှစ်နှင့် ယနေ့တူတဲ့အခက်က ဘာတူသလဲ
ဆိုလျှင် ကျွန်တော်တို့ နိုင်ငံရေးသမားတွေနှင့် နိုင်ငံရေးရဲ့ ဂယက်အရိုက်ခံရတဲ့ တပ်မတော်
ထဲမှာရှိနေတဲ့ အရာရှိအချို့မှာ (Hysteria) ခေါ်တဲ့ အယူသီးမှုနှင့်အယူသီးပြီး ကမူးရှူးထိုးမှု
ဖြစ်ပါတယ်။ ၁၉၄၈-၄၉ ခုနှစ်မှာ ကွန်မြူနစ် အယူသီးမှုတွေ ဖြစ်ခဲ့ပါတယ်။ ကျွန်တော့်လို
ပန်းရောင်ကွန်မြူနစ်တွေတောင
် တော်တော်အယူသီးခဲ့ပါတယ်။ သည်နေ့ကျတော့ ဘယ်လို
အယူပျံ့နှံ့နေသလဲဆိုလျှင် ကွန်မြူနစ်ဆန့်ကျင်ရေး (Anti Communist Hysteria) တွေ
ဖြစ်ပါတယ်။ သည် Hysteria ကြောင့် အင်မတန်ကောင်းတဲ့ အဖြစ်အပျက်တွေလည်း
ဖြစ်နေပါတယ်။ ဒါကို ကျွန်တော် ရှင်းပါရစေ။ .....။

ဦးလှအောင် (ဝေါ)။ ။ ဥက္ကဋ္ဌကြီးခင်ဗျား ... အမတ်မင်း ဦးသိန်းဖေမြင့်ဟာ နိုင်ငံတော်
ဝန်ကြီးချုပ်ရဲ့ မိန့်ခွန်းကို ဝေဖန်နေတာလား၊ ကျွန်တော်တို့ကို သင်တန်းပေးနေတာလားလို့
မေးချင်ပါတယ်။

ဦးသိန်းဖေမြင့် (ဘုတလင်)။ ။ ဥက္ကဋ္ဌကြီးခင်ဗျား ... ဝေဖန်မြဲ ဝေဖန်နေပါတယ်။ .....။

ဦးဇန်ထားဆင် (မြစ်ကြီးနားအရှေ့ပိုင်း)။ ။ ဥက္ကဋ္ဌကြီးခင်ဗျား ... ဥက္ကဋ္ဌကြီး သတ်မှတ်
ပေးတဲ့ အချိန်ဟာ လူတစ်ယောက်ကို ၉ မိနစ်နှင့် ၁၀ စက္ကန့် ဖြစ်ပါတယ်။ ယခု ဦးသိန်းဖေမြင့်
ပြောနေတာ မိနစ် ၂၀ လောက် ရှိပါပြီ။ .....။

ဦးသ်ိန်းဖေမြင့် (ဘုတလင်)။ ။ ဥက္ကဋ္ဌကြီးခင်ဗျား၊ အဲသည်တော့ ကွန်မြူနစ် ဆန့်ကျင်ရေး
ရှုထောင့်နှင့်သာ အများအားဖြင့် ဆုံးဖြတ်တဲ့အခါမှာ ဘယ်အခါမဆို ကွန်မြူနစ်နှင့်
မပေါင်းနိုင်ဘူး၊ ကွန်မြူနစ်နှင့် နီးတဲ့လူနှင့် မပေါင်းနိုင်ဘူး၊ အဲသည်လိုဖြစ်တယ်။ သည်လို
ဖြစ်လာတော့ တစ်မျိုးသားလုံးညီညွတ်ရေးမှ
ာ ဘယ်နည်းနှင့်မျှ သူတို့ကို မယုံကြည်နိုင်ဘူး
ဖြစ်နေပါတယ်။

ဗိုလ်ခင်မောင်ကလေး (မန္တလေးမြောက်ပိုင်း)။ ။ ဥက္ကဋ္ဌကြီးခင်ဗျား၊ တစ်မျိုးသားလုံး
ညီညွတ်ရေးဆိုတာ ဘယ်ကမ္ဘာ ဘယ်တိုင်းပြည်မှာ ရဖူးပါသလဲ။
----------

သခင်ချစ်မောင် (သာယာဝတီ)။ ။ ဥက္ကဋ္ဌကြီးခင်ဗျား၊ ဒါက Constitutional Crisis
ဖြစ်နေတဲ့အတွက် ဖွဲ့စည်းအုပ်ချုပ်ပုံကို ဝေဖန်တင်ပြခြင်း ဖြစ်ပါတယ်။ ကျွန်တော်တို့
ဗမာနိုင်ငံမှာ ဖြစ်ပေါ်နေတဲ့ ပြည်တွင်းစစ်ရဲ့ ပြဿနာဟာ ပါလီမန်ဒီမိုကရေစီရဲ့ ဘောင်ချဲ့
လာလေလေ ပြည်တွင်းစစ်ရဲ့ဘောင်ဟာ ကျဉ်းသွားရမှာက မုချဖြစ်ပါတယ်။ .....။

တည်မြဲနှင့်သန့်ရှင်းဆိုပြီ
း ပါလီမန်လွှတ်တော်မှာ အာဏာလုပွဲ ဆင်နွှဲခဲ့ကြပါတယ်။ သည်လို
အချိန်အခါမှာ ပမညတဟာ ဟိုဘက်မပါ သည်ဘက်မလိုက်ပဲ ကြားနေလို့မရကောင်းပါဘူး၊
ပါလီမန်ဒီမိုကရေစီ ထုံးတမ်းစဉ်လာအတိုင်း မိမိတို့ယုံကြည်ရာဘက်ကို မဲပေးရပါတယ်။

သခင်ဘသက် (ဘိုကလေးတောင်ပိုင်း)။ ။ ဥက္ကဋ္ဌကြီးခင်ဗျား၊ ပွင့်ပွင့်လင်းလင်းပြောပါ၊
ကျွန်တော်တို့ ဝင်ပေါင်းလိုက်တယ်လို့ ပြောပါ။

သခင်ချစ်မောင် (သာယာဝတီ)။ ။ .....။ ပမညတအဖွဲ့ဟာ လူမှုရေးထက် မူရေးကို အဓိက
ထားခဲ့ပါတယ်။ လူမှုရေးကိုသာ အဓိကထားမည်ဆိုလျှင် ကျွန်တော်တစ်ယောက်အနေနှင့်
မှန်တဲ့အတိုင်း ပြောရလျှင် ဦးဗဆွေကို မဲပေးခဲ့ပြီးသားပါ၊ သို့သော်လည်း ဒါဟာ မဖြစ်နိုင်ပါဘူး၊
မူကိုပဲ အဓိကထားရပါတယ်။

ဦးထွန်းအောင် (ဒိုက်ဦး)။ ။ ဟိုအခါတုန်းက ဦးနုကို မဲပေးခဲ့ပါတယ်။

သခင်ချစ်မောင် (ကြံခင်း)။ ။ ဥက္ကဋ္ဌကြီးခင်ဗျား၊ မူကိုသတ်မှတ်ပြီး မဲပေးတဲ့အတွက်
ဖဆပလ နှစ်ခြမ်း ကွဲတယ်ဆိုတာ သတိပြုပါ။

ဦးထွန်းအောင် (ဒိုက်ဦး)။ ဖဆပလ ၂ ခြမ်းကွဲတာဟာ ပမညတ မြှောက်ပေးလို့ ကွဲတာပါ။

ဗိုလ်ဘအောင် (ပဲခူးမြောက်ပိုင်း)။ ။ ဝေစုမတည့်လို့ ကွဲတာပါ။

ဦးသိန်းဖေမြင့် (ဘုတလင်)။ ။ ဥက္ကဋ္ဌကြီးခင်ဗျား၊ ဖဆပလ ၂ ခြမ်းကွဲတာဟာ ပမညတ
မြှောက်ပေးလို့ဆိုရင် ဖဆပလဟာ သနားစရာပါပဲ (ရယ်သံများ)။

ဦးထွန်းအောင် (ဒိုက်ဦး)။ ။ ဦးသိန်းဖေမြင့် လက်ရာအများကြီး ပါပါတယ်လို့ ထင်ပါတယ်။

သခင်ချစ်မောင် (သာယာဝတီ)။ ။ ဥက္ကဋ္ဌကြီးခင်ဗျား၊ သည်တော့ စဉ်းစားစရာဖြစ်ပါတယ်။
ကျွန်တော် ယခုတွင်က အစီရင်ခံတဲ့အတိုင်း ဗိုလ်ချုပ်ကြီးနေဝင်းဟာ စစ်သည်တော်
တစ်သိန်းကျော်နှင့် လက်နက်ကိုင် အင်အားစုများအပေါ်မှာ သြဇာညောင်းတဲ့ ဗိုလ်ချုပ်ကြီးပါ၊
ဤပါလီမန်လွှတ်တော်က ကျွန်တော့်ကို လိုလားသေးလျှင်ဆိုရင် လိုလားပြန်လည်း အကျပ်၊
မလိုလားပြန်လျှင်လည်း အကျပ်နှင့် အများကြီးဒုက္ခပေးတဲ့ အကျပ်အတည်း ဖြစ်ပါတယ်။

ဗိုလ်ခင်မောင်ကလေး (မန္တလေးမြောက်ပိုင်း)။ ။ ဥက္ကဋ္ဌကြီးခင်ဗျား၊ ပမညတတွေ
သတ္တိရှိတယ်ဆိုလျှင် ရှင်းရှင်းပြောပါ။ ကျပ်တယ် မကျပ်ဘူးဆိုတာ ပြောစရာ မလိုပါဘူး။

သခင်ချစ်မောင် (သာယာဝတီ)။ ။ .....။ တိုင်းပြည်ရဲ့ အကျိုးစီးပွားအနေနှင့် ကြည့်မည်
ဆိုလျှင် ပါလီမန် ဒီမိုကရေစီ နည်းနှင့်မှတစ်ပါး အခုအခြေအနေမှာ အခြားနည်းနှင့်
ဘယ်ပြဿနာကိုမျှ ဖြေရှင်းလို့ မရနိုင်ပါဘူး၊ သန့်ရှင်းဖဆပလနှင့် ပမညတတို့ဟာ
ရွေးကောက်ပွဲကို ဝင်ခဲ့ရပါတယ်။ သည်အဖွဲ့တွေသာလျှင် ရွေးကောက်ပွဲဝင်ရဲတဲ့ အဖွဲ့များ
ရှိပါတယ်လို့ ကျွန်တော် ရိုးရိုးသားသား မြင်ပါတယ်။

သခင်စံမြင့် (သနပ်ပင်)။ ။ ဥက္ကဋ္ဌကြီးခင်ဗျား၊ ပမညတက ခွဲထွက်သွားတဲ့ တရားမျှတ
ကိုရော ထည့်ပြောပါဦး။

သခင်ဘသက် (ဘိုကကလေးတောင်ပိုင်း)။ ။ ဥက္ကဋ္ဌကြီးခင်ဗျား၊ ပြိုင်ရဲပါတယ်
မကြောက်ပါဘူး၊ လိမ်မပြောပါနဲ့။

သခင်ချစ်မောင် (သာယာဝတီ)။ ။ ဥက္ကဋ္ဌကြီးခင်ဗျား၊ သည်လိုအခြေအနေမျိုးကို
ကြောက်လန့်တဲ့အတွက်၊ စိုးရိမ်တဲ့အတွက် သည်နေ့ ပါလီမန်ဒီမိုကရေစီကို ပါလီမန်လွှတ်တော်
ထဲမှာသော်လည်းကောင်း၊ ပြည်သူလူထု အပေါ်မှာသော်လည်းကောင်း ပြန်လည်ရုပ်သိမ်း
ရော့သလားဆိုတာ သည်နေ့ ကျယ်ကျယ်မေးပြီး တိုးတိုးဖြေနေတဲ့ ပုစ္ဆာရဲ့အဖြေ
ဖြစ်နိုင်ကောင်းရဲ့လို့ ကျွန်တော် သေသေချာချာ ယုံကြည်ပါတယ်။ ဥက္ကဋ္ဌကြီးခင်ဗျား၊ အဲသည့်
နောက်ကွယ်မှာ ...

ဗိုလ်ခင်မောင် (ညောင်လေးပင်အနောက်ပိုင်း)။
။ ဥက္ကဋ္ဌကြီးခင်ဗျား၊ ကျယ်ကျယ်မေးပြီး
တိုးတိုးဖြေတယ် ဆိုတာ အဓိပ္ပါယ်နားမလည်ပါဘူး၊ ကျေးဇူးပြုပြီး ရှင်းပြပါ။

ဦးတင်မောင် (ညောင်လေးပင်အရှေ့ပိုင်း)။ ။ ဥက္ကဋ္ဌကြီးခင်ဗျား၊ ကျွန်တော်ဖြေပါမည်၊
ကျယ်ကျယ်မေးပြီး တိုးတိုးဖြေတယ်ဆိုတာ ပါလီမန်ဒီမိုကရေစီကို မသုံးဘဲ သေနတ်ကြီး
ကိုင်ပြီး ပြိုင်ရဲတဲ့လူကို ပြောတာပါ။

သခင်ဗသိန်း (အမရပူရ)။ ။ ဥက္ကဋ္ဌကြီးခင်ဗျား၊ သူပုန်မကုန်ခင် ရွေးကောက်ပွဲလုပ်တာ
ကြိုက်တယ် မဟုတ်လား။


  • စာညွှန်းတင်သူ -Maung Thant

No comments:

Post a Comment